Op snein 24 novimber o.s. sil der wer in Fryske fesperfiering holden wurde yn de Grutte of Jacobiner tsjerke yn it sintrum fan Ljouwert. De tsjinst begjint om 19.00 oere en is ek te folgjen fia ynternet en wol ûnder http://tiny.cc/jacobijner.

Foargonger yn dizze fiering is dr. Liuwe Westra en Martha de Boer-Van Slooten nimt de psalmlêzing en de foardracht op har. Oargelist Peter van der Zwaag en Theo Boelens mei de dwersfluit fersoargje in muzikale bydrage.

Graach fiere wy dizze fesper mei jimme, sawol yn de Jacobiner Tsjerke as fia de digitale ferzje fan de tsjinst.

Fansels kin dat net om ‘e nocht en dêrom is in jildlike bydrage tige wolkom. Dy kin nei it adres: Stichting Krúspunt – NL29 INGB 0004 3194 90, mei fermelding: Fryske fesper.
Tige fan herten wolkom! Wy winskje elkenien, sawol yn de Jacobiner Tsjerke as op de digitale wei, in goede fiering ta.